“Neft-qaz sənayesi Azərbaycan Respublikasının davamlı inkişaf strategiyasının əsası kimi”
- Oxunub 1541 dəfə
AMEA İqtisadiyyat İnstitutunun aparıcı elmi işçisi, i.f.d. Sulduz Səlimovun “Нефтегазовая промышленность –основа стратегии устойчивого развития Азербайджанской Республики” adlı monoqrafiyası rus dilində Rusiyada (Moskva, 2015. 292 səh.) çapdan çıxıb.
Yeni nəşrdə dövlətin davamlı inkişaf strategiyası ilə bağlı Birləşmiş Millətlər Təşkilatı, Beynəlxalq Atom Enerji Agentliyi, Beynəlxalq Enerji Agentliyi və Avrostat və Avropa Birliyinin Ətraf Mühitin Mühafizəsi Təşkilatlarının birgə hazırladığı “Davamlı inkişafın enerji göstəriciləri metodolagiyası” təhlil olunur, həmin metodologiya uyğun enerji göstəricilərinin makroiqtisadi göstəricilərlə və iqtisadi inkişafla əlaqələri dövlətin davamlı inkişaf strategiyasınin təmin edilməsinin əsas şərtləri kimi qiymətləndirilir.
Monoqrafiyada dünya iqtisadiyyat sistemlərində gedən proseslərin ölkəmizdə neft-qaz sənayesinə təsiri, davamlı inkişaf strategiyasının formalaşmasında rolu öz əksini tapıb. Nəşrdə Azərbaycan Respublikası üçün davamlı inkişafın enerji göstəricilərinin tətbiq olunması qarşıya qoyulmuş əsas məqsəd kimi oxuculara təqdim edilir (economics.com.az).
