AMEA-da ümummilli lider Heydər Əliyevə həsr olunan kitabın təqdimatı olacaq

 9 dekabr 2019-cu il tarixində saat 15:00-da AMEA İqtisadiyyat İnstitutunda Ümummilli Lider Heydər Əliyevin Anım günü münasibəti ilə AMEA-nın müxbir üzvü, əməkdar elm xadimi, iqtisad elmləri doktoru, prof. Şahbaz Musa oğlu Muradovun Ulu öndərin əziz xatirəsinə və onun Azərbaycan Respublikasının rəhbəri vəzifəsinə birinci gəlişinin 50 illiyinə həsr edilmiş: “Ulu öndər Heydər Əliyevin inkişaf strategiyasının təntənəsi: tənəzzüldən tərəqqiyə yüksələn 50 illik çətin yolun sosial-iqtisadi nəticələri (1969-2019-cu illər. Bakı-2019. 594 səh.)” kitabının təqdimat mərasimi keçiriləcək.

 AMEA əməkdaşlarının və ölkəmizin tanınmış alimlərinin iştirakı ilə keçiriləcək tədbirdə məruzələr dinləniləcək. Tədbir AMEA-nın əsas binasının (H.Cavid pr., 115) Kiçik konfrans zalında (2-ci mərtəbə) keçiriləcək.