Elmi Seminarda “Azərbaycanın Almaniya ilə xarici iqtisadi əlaqələri” mövzusunda dissertasiya işi müzakirə olunub

 Seminarda AMEA İqtisadiyyat İnstitutunun doktorantı Əliyeva Günay Tanrıverdi qızının iqtisad üzrə fəlsəfə doktoru elmi dərəcəsi almaq üçün təqdim etdiyi “Azərbaycanın Almaniya ilə xarici iqtisadi əlaqələri” mövzusunda dissertasiya işinin (elmi rəhbər i.e.d. Fuad Qənbərov) müzakirəsi aparılmışdır.

 İqtisad elmləri doktoru, professor Rövşən Quliyevin sədrliyi ilə baş tutan iclasda iddiaçı barədə Elmi Seminarın katibi məlumat verib. G.Əliyeva dissertasiya işinin əsas məzmunu ətrafında geniş təqdimatla çıxış edib. Sonra iş üzrə təyin olunmuş rəyçilərin (professor Elşən Hacızadə və i.f.d. Şövqü Quliyev) rəyi dinlənilib. İddiaçı rəyçilərin və seminar üzvlərinin ona ünvanlanmış suallarını cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi açıq səsvermə yolu ilə müdafiə mərhələsinə tövsiyə olunub (economics.com.az).