Elmi Seminarda elmlər doktorluğu dissertasiya işi müzakirə olunub

 Seminarda i.f.d., dos. Allahverdiyeva Leyli Əli qızının iqtisad elmləri doktoru elmi dərəcəsi almaq üçün “İnformasiya xidmətlərinin liberalliq dərəcəsinin ölçülməsi və iqtisadi təsirlərinin qiymətləndirilməsi” mövzusunda təqdim etdiyi dissertasiya işinin müzakirəsi aparılmışdır.

 İqtisad elmləri doktoru Fuad Qənbərovun sədrliyi ilə baş tutan iclasda iddiaçı barədə Elmi Seminarın katibi, i.f.d., dos. Asif Mustafayev məlumat verib. L.Allahverdiyeva dissertasiya işinin əsas məzmunu ətrafında geniş təqdimatla çıxış edib.

  Sonra iş üzrə təyin olunmuş rəyçilərin (i.e.d., professorlar Əvəz Bayramov, Haçıağa Rüstəmbəyov və Qabil Manafov) rəyi dinlənilib. İddiaçı rəyçilərin və seminar üzvlərinin ona ünvanlanmış suallarını cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb. Sonda dissertasiya işi gizli səsvermə yolu ilə müdafiə mərhələsinə tövsiyə olunub (economics.com.az).