Futbol komandamız daha bir qələbə qazandı
- Oxunub 1105 dəfə
Bu dəfə Radiasiya Problemləri İnstitutunun komandasına 6:4 hesabı ilə qalib gəldik
Aprelin 21-də AMEA Gənc Alim və Mütəxəssislər Şurasının təşkilatçılığı ilə ümummilli lider Heydər Əliyevin anadan olmasının 94-cü ildönümünə həsr olunmuş Gənc Alim və Mütəxəssislərin IV Futbol Çempionatında növbəti qrup oyunları keçirilib. AMEA İqtisadiyyat İnstitutunun futbol komandası ikinci oyunda AMEA Radiasiya Problemləri İnstitutunun komandasına 6:4 hesabı ilə qalib gəlib.
Xatırladaq ki, AMEA İqtisadiyyat İnstitutunun futbol komandası ilk oyununda AMEA Genetik Ehtiyatlar İnstitutunun komandasını 9:8 hesabı ilə məğlub etmişdi. Növbəti oyun aprelin 26-da AMEA Fəlsəfə İnstitutu ilə keçiriləcək.
Daha bir oyunda qalib gəlməsi münasibəti ilə komandamızı təbrik edir və növbəti oyunda da qələbə arzulayırıq! (economics.com.az).
