İqtisadiyyat İnstitutunun elmi katibi Rəsmiyyə Abdullayeva “Azərbaycanda icbari tibbi sığorta sisteminin tətbiqinə dəstək” layihəsinin açılış mərasimində iştirak edib

  Tədbirdə bildirilib ki, layihənin tərəfdaşları Aİ-yə üzv olan dövlətlər – Fransa və Litvadır. 2019-cu ilin avqustunadək həyata keçiriləcək layihənin məqsədi səhiyyə xərclərinin planlaşdırılması, icrası və monitorinqi sahəsində İcbari Tibbi Sığorta üzrə Dövlət Agentliyinin institusional imkanlarının gücləndirilməsidir. Zaur Əliyevin sözlərinə görə,, layihə Azərbaycanda səhiyyə sisteminin maliyyələşdirilməsi prosesinin təkmilləşməsinə xidmət edəcək: “Layihənin məqsədi icbari tibbi sığorta haqlarının yığılması, səhiyyə xidmətlərinin satın alınması ilə səhiyyə xərclərinin planlaşdırılması, icrası və monitorinqinin aparılmasında institusional potensialının gücləndirilməsidir”. K.Yankauskas bildirib ki, layihə icbari tibbi sığortanın tətbiqi üçün maliyyə idarəetmə çərçivəsinin inkişaf etdirilməsinə dəstək olacaq.

 Müzakirələrdə AMEA İqtisadiyyat İnstitutunun elmi katibi, i.f.d., dos. Rəsmiyyə Abdullayeva da iştirak edib. Tibbi sığortanın əhalinin sosial müdafiəsinin gücləndirilməsindəki rolundan danışan R.Abdullayeva tibbi sığorta tariflərinin müxtəlif əhali qrupları üzrə müəyyənləşdirilməsi, bu sahədə xarici ölkələrin təcrübəsi, yığılacaq sığorta haqlarının xərclənməsində şəffaflığın təmin olunması məsələləri ilə bağlı öz fikirlərini bildirib (economics.com.az).