Elmi Seminarda doktorluq dissertasiya işi müzakirə olunub

 Seminarda Gülalıyev Mayis Gülalı oğlunun iqtisad elmləri doktoru elmi dərəcəsi almaq üçün “Qloballaşma şəraitində Azərbaycanın beynəlxalq iqtisadi əlaqələrinin liberal-dirijist istiqamətləri” mövzusunda təqdim etdiyi dissertasiya işinin müzakirəsi aparılmışdır.

 İqtisad elmləri doktoru, professor  Rövşən Quliyevin sədrliyi ilə baş tutan iclasda iddiaçı barədə Elmi Seminarın katibi, i.f.d., dos. Aqil Eyvazov məlumat verib. M.Gülalıyev dissertasiya işinin əsas məzmunu ətrafında geniş təqdimatla çıxış edib. Sonra iş üzrə təyin olunmuş rəyçilərin (i.e.d., professorlar - Fərhad Rəhmənov, Arif Şəkərəliyev, Gülənbər Əzizova və İrşad Kərimov) rəyi dinlənilib. İddiaçı rəyçilərin və seminar üzvlərinin ona ünvanlanmış suallarını cavablandırıb. Seminar üzvləri dissertasiya işi ilə bağlı çıxış edərək öz fikirlərini bildiriblər, müzakirələr aparılıb.

 Sonda dissertasiya işi açıq səsvermə yolu ilə müdafiə mərhələsinə tövsiyə olunub (economics.com.az).