Özbəkistanın İnnovativ İnkişaf Nazirliyinin əməkdaşı İqtisadiyyat İnstitutunun baş direktoru ilə görüşüb
- Oxunub 288 dəfə
Sentyabrın 16-da İqtisadiyyat İnstitutunun baş direktoru, i.e.d., professor Nazim Müzəffərli (İmanov) Özbəkistan Respublikası İnnovativ İnkişaf Nazirliyinin Elmi-texniki İnformasiya Mərkəzinin rəhbəri Əbdüləziz Əbdüvəliyevi qəbul edib.
Prof. N.Müzəffərli qonağa İqtisadiyyat İnstitutunun əsas fəaliyyət istiqamətləri, fundamental araşdırmaları və elmi tədqiqatları, sentyabrın 18-19-da Şuşada keçiriləcək “MƏDƏNİYYƏTİN İQTİSADİYYATI: ŞUŞADAN İNKİŞAF İMPULSLARI” mövzusunda beynəlxalq elmi-praktik konfrans barədə geniş məlumat verib.
Görüşdə hər iki ölkədə həyata keçirilən iqtisadi islahatlar, sosial-iqtisadi inkişaf meyilləri ətrafında fikir mübadiləsi aparılıb. Habelə qarşılıqlı faydalı əməkdaşlıq və təcrübə mübadiləsi məsələləri müzakirə olunub (economics.com.az).
